रिश्ते बड़े हिन् (bharmouri boli me )

रिश्ते बड़े हिन् निभाने ताये
बस निभाने रा गाओं करना ता 
जे निभाने रा गाओं करना ता 
फिरि लचर -पचर करना ना

जे दुनिया मंज अम्मा -बापू बनना 
ता अपना फर्ज भी पूरा करना
बच्चे रा पालन -पोषन करना
वादिया स्कूला मा दाखल करना 
जुए -शराबा कनारी मनुआ 
हथ्थ कदी भी करना ना 

जे दुनिया मा धीऊ -पुत्र बनना
ता अपना फर्ज भी पूरा करना
अम्मा -बापू रा हेर उपर रखना
कदी कस्सी रे ना थल्ले करना 
तुन्दे भुन्दे प्यारे मनुओ 
तिन्याँ जो पेया कदी हथ्थ तडना ना 


रिश्ते बड़े हिन् निभाने ताये
बस निभाने रा गाओं करना ता 
जे निभाने रा गाओं करना ता 
फिरि लचर -पचर करना ना

milap singh bharmouri